បុណ្យសមុទ្រ ២០២៣

ពិធីបុណ្យសមុទ្រលើកទី១០ ជុំទី៣ ឆ្នាំ២០២៣ ក្រោមប្រធានបទ ទាំងអស់គ្នាដើម្បីទេសចរណ៍

ពីថ្ងៃទី០៤ រោច ដល់ ថ្ងៃទី០៦ រោច ខែកត្ដិក ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី០១ ដល់ ០៣ ខែធ្នូ ឆ្នាំ២០២៣ នៅខេត្តកែប

សាវតា៖

  • ពិធីបុណ្យសមុទ្រត្រូវបានរាជរាដ្ឋាភិបាលកម្ពុជា ដែលដឹកនាំដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានកំណត់យកចុងសប្តាហ៍ទីមួយនៃខែធ្នូរៀងរាល់ឆ្នាំ។
  • រាជរដ្ឋាភិបាលកម្ពុជា អនុញ្ញាតឲ្យរៀបចំធ្វើពិធីបុណ្យនេះឡើងតាមបណ្តាខេត្តទាំងបួននៃតំបន់ឆ្នេរសមុទ្រនៃព្រះរាជាណាចក្រ ដោយឈរលើគោលការណ៍ផ្លាស់វេនគ្នាជារៀងរាល់ឆ្នាំបន្ទាប់ពីឆ្នេរសមុទ្រសកម្ពុជា បានចូលជាសមាជិកនៃក្លឹបឆ្នេរសមុទ្រដ៍ស្អាតជាងគេបំផុតនៅលើពិភពលោក។
  • ពិធីបុណ្យសមុទ្រលើកទី ១ ឆ្នាំ២០១១ ឆ្លងចូល ឆ្នាំ២០១២ ប្រារព្ធឡើងនៅខេត្តព្រះសីហនុ
  • ពិធីបុណ្យសមុទ្រលើកទី ២ ឆ្នាំ២០១៣ ប្រារព្ធឡើងនៅខេត្តកែប
  • ពិធីបុណ្យសមុទ្រលើកទី ៣ ឆ្នាំ២០១៤ ប្រារព្ធឡើងនៅខេត្តកោះកុង
  • ពិធីបុណ្យសមុទ្រលើកទី ៤ ឆ្នាំ ២០១៥ ប្រារព្ធឡើងនៅខេត្តកំពត
  • ពិធីបុណ្យសមុទ្រលើកទី ៥ ឆ្នាំ ២០១៦ ប្រារព្ធឡើងនៅខេត្តព្រះសីហនុ
  • ពិធីបុណ្យសមុទ្រលើកទី ៦ ឆ្នាំ ២០១៧ ប្រារព្ធឡើងនៅខេត្តកែប
  • ពិធីបុណ្យសមុទ្រលើកទី ៧ ឆ្នាំ ២០១៨ ប្រារព្ធឡើងនៅខេត្តកោះកុង
  • ពិធីបុណ្យសមុទ្រលើកទី ៨ ឆ្នាំ ២០១៩ ប្រារព្ធឡើងនៅខេត្តកំពត
  • ឆ្នាំ២០២០ និង ឆ្នាំ២០២១ ពិធីបុទ្យសមុទ្រ បានផ្អាកដោយសារការរីករាលដាលជំងឺកូវីដ-១៩
  • ពិធីបុណ្យសមុទ្រលើកទី ៩ ចាប់ផ្តើមធ្វើបន្តរឡើងវិញ ឆ្នាំ ២០២២ នៅខេត្តព្រះសីហនុ
  • ពិធីបុណ្យសមុទ្រលើកទី ១០ ឆ្នាំ២០២៣ បាននិងកំពុងប្រារព្ធធ្វើឡើងនៅខេត្តកែប

គោលបំណង៖

  • គោលបំណងនៃពិធិបុណ្យសមុទ្រ គឺដើម្បីរួមគ្នាអភិរក្សការពារធនធានធម្មជាតិសមុទ្រ និងថែរក្សាបរិស្ថានឆ្នេរឲ្យបានស្អាតដើម្បីបម្រើដល់ការអភិវឌ្ឍន៏ទេសចរណ៍ប្រកដោយចិរភាព និងការទទួលខុសត្រូវ ព្រមទាំងលើកតម្កើងការផ្សព្ធផ្សាយគោលដៅទេសចរណ៍តំបន់ឆ្នេរកម្ពុជាឲ្យកាន់តែទូលំទូលាយទាក់ទាញទេសចរជាតិនិងអន្តរជាតិមកទស្សនាកាន់តែច្រើន។

កម្មវិធីបុណ្យសមុទ្រ

ព័ត៌មានបុណ្យសមុទ្រ ២០២៣

ខ្លឹមសារសំខាន់ៗ នៃពិធីបិទបុណ្យសមុទ្រ លើកទី១០ ក្រោមអធិបតី សម្តេចមហាបវរធិបតី ហ៊ុន ម៉ាណែត ក្រោមប្រធានបទ «ទាំងអស់គ្នាដើម្បីទេសចរណ៍» នៅខេត្តកែប នាល្ងាចថ្ងៃអាទិត្យ ទី៣ ខែធ្នូ ឆ្នាំ២០២៣

រូបភាព និងវីដេអូ

នៅក្នុងពិធីបិទបុណ្យសមុទ្រលើកទី១០ ដ៏អធិកអធម សម្តេចធិបតី នាយករដ្ឋមន្ត្រី បានថ្លែងកោតសរសើរឯកឧត្តម សុខ សូកេន ដែលក្នុងរយៈពេល១០០ថ្ងៃ នៃការចូលមកកាន់តំណែងជារដ្ឋមន្ត្រីក្រសួងទេសចរណ៍

ទិដ្ឋភាពលើអាកាសនាពេលរាត្រីថ្ងៃទី០៣ នៃពិធីបុណ្យសមុទ្រដែលប្រារព្វនៅខេត្តកែប

កម្មវិធីដាំដើមឈើដើម្បីអបអរសាទរពិធីបុណ្យសមុទ្រលើកទី១០ ជុំទី៣ នៅខេត្តកែប

ទិដ្ឋភាពរាត្រីថ្ងៃទី០១ នៃពិធីបុណ្យសមុទ្រដែលប្រារព្វនៅខេត្តកែប ដោយមានការចូលរួមដាក់តាំងបង្ហាញពីផលិតផលខ្មែរនៅតាមស្តង់នីមួយៗ