អបអរសាទរបេក្ខជនមកពីខេត្តស្ទឹងត្រែង ទទួលជ័យលាភីលេខ ១ លើការប្រកួតជំនាញឆុងកាហ្វេ (Latte Art Battle)!
(ភ្នំពេញ) តាមរយៈការប្រកួតជំនាញចាក់ឡាតេ នាឱកាសទិវាជំនាញ ហូកា ឆ្នាម២០២៤ ក្រោមប្រធានបទ៖ វិនិយោគទេសចរណ៍ វិនិយោគលើធនធានមនុស្ស នាថ្ងៃទី២៩ ខែមេសា ឆ្នាំ២០២៤ បេក្ខជនឈ្មោះ ពៅ ហឿ បុគ្គលិកកាហ្វេឡានក្រុង SMK Bus Cafe and Cocktail ខេត្តស្ទឹងត្រែង បានគ្រងជ័យលាភីលេខ ១ ក្រោយការប្រកួតយ៉ាងស្វិតស្វាញជាមួយបេក្ខជន៨ រូបផ្សេងទៀត ដែលមកពីតាមបណ្តាខេត្តទំាង១០ នៃគម្រោងបណ្តុះបណ្តាលបដិសណ្ឋារកិច្ចកម្ពុជា (HoKa)។
មានបេក្ខជនប្រកួតសរុបមានចំនួន០៨រូប ដែលទទួលបានការបណ្តុះបណ្តាលជំនាញពី ហូកា ដោយធ្វើការប្រកួតម្តងចំនួន២រូប និងជម្រុះយកលេខ១ចុងក្រោយ។ បេក្ខជនជ័យលាភីត្រូវបានឆ្លងកាត់ការវាយតម្លៃសមត្ថភាពដោយគណៈវិនិឆ្ឆ័យចំនួន ០៣រូប ដែលសុទ្ធតែជាអ្នកជំនាញក្នុងជំនាញឆុងកាហ្វេ និងអនុវត្តតាមនីតិវិធីវាយតម្លៃ និងការផ្តល់ពិន្ទុ ដែលបានរៀបចំឡើងក្នុងកិច្ចប្រជុំគណៈកម្មការវាយតម្លៃនៅមុនកាលប្រកួត ហើយកម្មវិធីប្រកួតជំនាញនេះ មានការគាំទ្រឧបត្ថម្ភពីក្រុមហ៊ុន Gourmet Beverage Solutions Co., Ltd។
សូមគូសបញ្ជាក់ផងដែរថា ជំនាញឆុងកាហ្វេ ជាជំនាញអាទិភាពមួយ របស់កម្មវិធីបណ្តុះបណ្តាលបដិសណ្ឋារកិច្ច ហូកា ហើយអ្នកជំនាញត្រូវឆ្លងកាត់ការបណ្តុះបណ្តាល និងការធ្វើតេស្តសមត្ថភាព ក្រោយការសិក្សា ដោយក្នុងដំណាក់កាលទី២ ឆ្នាំ២០២០-២០២៤ គណៈកម្មការគ្រប់គ្រងគម្រោង ហូកា បានធ្វើការបណ្តុះបណ្តាលជំនាញឆុងកាហ្វេ ដល់សិក្ខាកាមសរុបចំនួន ៥០៦រូប ។
![](https://asset.cambodia.gov.kh/tourism/2024/05/440377523_829021195925307_5493246644094060492_n-1024x682.jpg)
![](https://asset.cambodia.gov.kh/tourism/2024/05/440392977_829021229258637_2085583776580230535_n-1024x682.jpg)
![](https://asset.cambodia.gov.kh/tourism/2024/05/440424916_829021135925313_4592748597881528688_n-1024x682.jpg)
![](https://asset.cambodia.gov.kh/tourism/2024/05/440565625_829021209258639_6750714078180987518_n-1024x670.jpg)
![](https://asset.cambodia.gov.kh/tourism/2024/05/440570859_829021175925309_1394688166507077319_n-1024x682.jpg)
![](https://asset.cambodia.gov.kh/tourism/2024/05/440577568_829021222591971_8843350583692448020_n-1024x682.jpg)
![](https://asset.cambodia.gov.kh/tourism/2024/05/440597661_829021165925310_2992625476757519613_n-1024x602.jpg)
![](https://asset.cambodia.gov.kh/tourism/2024/05/440773520_829020589258701_5384789453356623708_n.jpg)
![](https://asset.cambodia.gov.kh/tourism/2024/05/440804946_829021132591980_8375908976094859799_n-1024x849.jpg)
![](https://asset.cambodia.gov.kh/tourism/2024/05/440936126_829020809258679_2252028170022732864_n.jpg)