គោលបំណង
ដើម្បីពង្រឹងគុណភាពសេវាកម្មទេសចរណ៍ និងបង្កើនភាពទុកចិត្តដល់អតិថិជនក្នុងការប្រើប្រាស់សេវាកម្មទេសចរណ៍
មូលដ្ឋានគតិយុត្ត
- ព្រះរាជក្រមលេខ នស/រកម/០៦០៩/០០៧ ចុញថ្ងៃទី១០ ខែមិថុនា ឆ្នាំ២០០៩ ច្បាប់ស្តីពីទេសចរណ៍
- ប្រកាសរួមលេខ ៩៩៧ សហវ.ប្រក ចះថ្ងៃទី២៨ ខែធ្នូ ឆ្នាំ២០១២ ស្តីពីការ ផ្តល់សេវាធារណៈរបស់ក្រសួងទេសចរណ៍
- ប្រកាសលេខ ០៤១ ប្រក ចុះថ្ងៃទី១៨ ខែមករា ឆ្នាំ២០១៦ ស្តីពីការផ្តល់អាជ្ញាបណ្ណទេសចរណ៍ដល់ការីទេសចរណ៍ និងភ្នាក់ងារទេសចរណ៍
អតិថិជនដែលមានសិទ្ធទទួលសេវា
ជនជាតិខ្មែរ ជនជាតិបរទេស នីតិបុគ្គល
ស្តង់ដារសេវា
| តម្លៃសេវា | មានរយៈពេលផ្តល់សេវា | សុពលភាព |
|---|---|---|
| ៨០០,០០០ រៀល | ២៨ ថ្ងៃ (ថ្ងៃធ្វើការ) | ០១ ឆ្នាំ |
| តម្រូវការឯកសារ ដើម្បីទទួលបានសេវា៖ | ចំនួន |
|---|---|
| លិខិតបញ្ជាក់ទីតាំងប្រកបអាជីវកម្ម | ១ច្បាប់ |
| វិញ្ញាបនបត្រឬលិខិតបញ្ជាក់ចុះបញ្ចីពាណិជ្ជកម្ម | ១ច្បាប់ |
| លិខិតតម្កល់ប្រាក់ធនាគារទទួលស្គាល់ដោយក្រសួង | ១ច្បាប់ |
| អត្តសញ្ញាណប័ណ្ណ ឬលិខិតឆ្លងដែន (ថតចម្លង) | ១ច្បាប់ |
| រូបថតអ្នកគ្រប់គ្រង(៤x៦) | ៣សន្លឹក |
| បង្កាន់ដៃបង់ប្រាក់ | ១ច្បាប់ |
នីតិវិធីនៃការផ្ដល់សេវា
នីតិវិធីនៃការផ្តល់សេវាសម្រាប់ការបើកភោជនីយដ្ឋាន និងអាហារដ្ឋានទេសចរណ៍ ចាប់ពី ៥០នាក់ ចុះក្រោម មានចំនួន ១៦ដំណាក់កាលដូចខាងក្រោម៖
- អតិថិជនដាក់ពាក្យស្នើសុំសេវានៅមន្ត្រីផ្តល់ទទួលព័ត៌មានដែលនៅផ្នែកជួរមុខ
- អតិថិជនទទួលបង្កាន់ដៃទទួលពាក្យពីមន្ត្រីផ្តល់ព័ត៌មាន
- មន្ត្រីផ្តល់ទទួលព័ត៌មានបញ្ជូនពាក្យស្នើសុំទៅបេឡាករ
- អតិថិជនអញ្ជើញទៅបងប្រាក់ថ្លៃសេវានៅបេឡាករ
- អតិថិជនទទួលបង្កាន់ដៃបង់ប្រាក់ថ្លៃសេវា
- មន្ត្រីផ្តល់ទទួលព័ត៌មានបញ្ជូនពាក្យស្នើសុំទៅប្រធានការិយាល័យ
- ប្រធានការិយាល័យបញ្ជូនទៅមន្ត្រីបច្ចេកទេសដែលនៅផ្នែកជួរក្រោយ
- មន្ត្រីបច្ចេកទេសធ្វើដំណើរទៅទីតាំងស្នើសុំដើម្បីពិនិត្យនិងវាយតម្លៃ
- មន្ត្រីបច្ចេកទេសត្រូវធ្វើរបាយការណ៍បន្ទាប់ពីពិនិត្យនិងវាយតម្លៃរួច
- បញ្ជូនរបាយការណ៍មកប្រធានការិយាល័យ
- ប្រធានការិយាល័យដាក់របាយការណ៍ជូនអភិបាលរងដើម្បីពិនិត្យបន្ត
- បន្តដាក់របាយការណ៍ជូនអភិបាលដើម្បីពិនិត្យនិងសំរេចចុងក្រោយ
- មន្ត្រីរដ្ឋបាលក្រុង ស្រុក ខណ្ឌ ធ្វើការចុះលេខ
- បញ្ជូនអាជ្ញាប័ណ្ណទៅប្រធានការិយាល័យបន្ទាប់ពីចុះលេខរួច
- បញ្ជូនអាជ្ញាប័ណ្ណបន្តទៅមន្ត្រីផ្តល់ទទួលព័ត៌មានដែលនៅផ្នែកជួរមុខ
- ផ្តល់អាជ្ញាប័ណ្ណដែលជាលទ្ធផលជូនអតិថិជន។
ទីតាំងទទួលសេវា
អង្គភាពក្រុមការងារអាជ្ញាបណ្ណទេសចរណ៍ នៃក្រសួងទេសចរណ៍
- អាសយដ្ឋានៈ ដីឡូត៍លេខ៣ អា ផ្លូវលេខ ១៦៩ សង្កាត់វាលវង់
ខណ្ឌ៧មករា រាជធានីភ្នំពេញ កម្ពុជា - ទូរសព្ទ : ០២៣ ៥ ៣១០ ៩៩៩
- សារអេឡិចត្រូនិច : admin@mot.gov.kh
ការិយាល័យច្រកចេញចូលតែមួយ
- អាសយដ្ឋានៈ ដីឡូត៍លេខ៣ អា ផ្លូវលេខ ១៦៩ សង្កាត់វាលវង់
ខណ្ឌ៧មករា រាជធានីភ្នំពេញ កម្ពុជា - ទូរសព្ទ : ០២៣ ៥ ៣១០ ៩៩៩
- សារអេឡិចត្រូនិច : admin@mot.gov.kh
ស្នើរសុំតាមប្រព័ន្ធអេឡិកត្រូនិក
www.tourism.gov.kh
